Put Your Hands Up - 舉高雙手
Description:
表演藝術從來無形式、規則同語言文化上面嘅界限,更會隨住時間演變,創造無限嘅可能性。今時今日嘅音樂,已經唔再局限於結他、鋼琴呢啲傳統模式,只要係可以產生聲音嘅東西,都足以譜出完美嘅樂曲;以往偏重團體同規律性嘅舞蹈,近年亦趨向個人化,唔再需要受到表演場地制肘,動作上更加趨向高難度挑戰,為嘅,只係追求最大嘅個人享樂同成功感。喺呢個過往被稱為「文化沙漠」嘅香港,有一班年輕人透過接觸外國最新嘅文化潮流,嘗試牽動一股革命熱潮。有人不甘心屈服於主流,努力突破傳統娛樂嘅框框,喺新嘅文化領域入面創出一番成就;另一邊廂,有志趣相投嘅大專學生、同埋投身社會冇耐嘅年輕人,喺課餘或工餘時間大玩另類表演藝術,不遺餘力地將外國獨特嘅藝術文化引入香港,除咗進一步拉闊香港嘅文化版圖,更加將藝術融入社區中各項環節。本節目將會穿梭校園同大大小小嘅表演場地,由呢班年輕一代香港人親身介紹佢地嘅獨特興趣。佢地除咗會帶嚟精彩嘅表演、分享練習同參賽嘅苦與樂、帶領觀眾認識另類嘅流行文化資訊,透過互動嘅交流,豐富表演同藝術嘅內涵。


Andreas Apergis | The Real Housewives of Beverly Hills | Historyczne